«الپىس جىلدان استام تاريحى بار مادەنيەت پەن ونەردىڭ قارا شاڭىراعىنىڭ قىزمەتى بيىل جاڭا قارقىنمەن باستالدى. ۇيىمنىڭ بايىرعى گاسترولدىك ساپارلارىن جاڭعىرتاتىن جاڭا جوبانىڭ تۇساۋى كەسىلىپ, مەملەكەت باسشىسى قاسىم-جومارت توقاەۆتىڭ ەلىمىزدەگى مونوقالالاردى جان-جاقتى دامىتۋعا باعىتتالعان تاپسىرمالارىنا سايكەس, «قازاقكونتسەرت» ۇجىمى 2022-2025 جىلدارعا ارنالعان جوسپارى بويىنشا ەل اۋماعىنداعى بارلىق مونو-قالالاردىڭ تۇرعىندارى ءۇشىن قولجەتىمدى, ساپالى مادەني شىعارمالاردى ۇسىنۋعا كىرىستى», دەدى روزا باعلانوۆا اتىنداعى رەسپۋبليكالىق «قازاقكونەرت» ۇيىمىنىڭ ديرەكتورى اقتوتى رايىمقۇلوۆا.
قر پرەزيدەنتى ءوزىنىڭ 2022 جىلدىڭ ناۋرىزىنداعى قازاقستان حالىقىنا جولداۋىندا قازاقستاندا جاڭادان ءۇش وبلىستىڭ اشىلاتىنى تۋرالى مالىمدەگەن بولاتىن. قازاقستاننىڭ ونەر مەكەمەلەرىنىڭ اراسىندا ەلىمىزدىڭ باس كونتسەرتتىك ۇيىمى جاڭا اباي وبلىسىنىڭ جۇرتشىلىعىن قۇتتىقتاۋعا العاشقىلاردىڭ ءبىرى بولىپ شىقتى.
سونداي-اق شىعارماشىلىق ۇجىمنىڭ گاسترولدەرى قر مادەنيەت جانە سپورت مينيسترلىگىنىڭ جانە وبلىستارداعى جەرگىلىكتى اتقارۋشى ورگانداردىڭ قولداۋىمەن «ەل بىرلىگى - جاڭا قازاقستان» يميدجدىك جوباسىنىڭ اياسىندا ء ساتتى ءوتتى.
